( تيجى نحسبها نلاقيها)

محمد محيى

تيجى نحسبها نلاقيها...
إحنا فيها...
لفّ واتفرج معايا...
ع اللى نايم...
واللى صاحى...
واللى طافى النور وصاحى...
واللى بتسليه جراحى...
واللى قال فات الكتير...
واللى طاير...
بس مكسور الضمير...
ع اللى مشغول بالدولار...
واللى ضيّع نص عمره...
فى كام بهيمة وكام حمار...
واللى قال الأرض باقية
واللى طُور مربوط فى ساقية...
واللى لسه قميُصه ناقص فيه زُرار...
وفى ثوانى...
مات كيلانى...
كل واحد فينا قام يحسبها تانى...
اللى نايم واللى صاحى...
واللى بيفكر ينام...
كله قام...
أد إيه ف العمر باقى...
يسوى كام...
أما شاعر بايخ...
جىّ ليه تشعللها نار...
يلّلا نهرب من قساوة الجَدَّ...
ونضيع ف الهزار...
ف العصير والفطير...
واللى لسه قميصُه...
ناقص فيه زُرار

دى بعض اشعار الشاعر على سلامه يارب تعجبكوا

**ملك الرومانسية**

فعلا كلامك صحيح
بالاحرى كلام الشاعر علي سلامة
يسلموو كتير الك يا ورد
على الكلمات الرائعة
وموضوعك الرائع
لا تحرمنا جديدك
مزيدا من التقدم والابداع

تحياااااااااااااااااتي

ملك الرومانسية

_________________